russulmubarak
ابداعات
ابوذيات رنانه للشاعر المبدع جبار رشيد
ابوذيات رنانه
 

مشغولين بيمن من شغلكم
ولو مو شغلي هذا من شغلكم
بعد ما راح ابجي او منشغ الكم
اموتن راح واخصمها القضيه               
*****
وثيقه بكل فخر كلبي وثق لك
جبل ما شفت باخلاقك وثقلاك
الك يرخص دمع عيني وثق لك
الكلب لمن يدك يوكع بديه                    

*****
مو عيني دمع جسمي ينز لك
يبيتك بالكلب صاير ينزلك
علم عالراس من يكدر ينزلك
والخدمتك روحي لبس عسكريه             
*****
اليحبونك بصدك لا تسلهم
وابد عن سبب حبك لا تسلهم
امن احجي وياك عفيه لا تسلهم
احس تاخذ الروح بغير جيه                 
*****
هاك اشعل كلب كلبي ووجهاك
اعله حاله راح اعلمنك و اوجهاك
بشالك من تلف شعرك ووجهاك
تلف روحي مثل لف المنيه                       
*****
حبيبي بيا بخت وياي شديت
عده هجرك الي اشقدمت شديت
بصبعك حتى تذكر خيط شديت
انحصر دمك ولا فكرت بيه                        

                         

الشاعر المبدع جبار رشيد 

 



Add a Comment

اضيف في 21 يناير, 2008 05:43 م , من قبل hasson85
من العراق said:

لا يخفى على المتابعين للشعر الشعبي بان الشاعر جبار رشيد قد اجتاز مرحلة الابداع باروئع قصائد وابوذيات واتذكر له صور شعرية له .. اكو بالظلمــة يختل منه ماينحاف ... وكو ايخوفني لو بالنور يختلي ... شكرا لكي يامبدعه انتي ايضاء
تحياتي لكي

اضيف في 21 يناير, 2008 06:31 م , من قبل istabraqm said:

تتنقلين بروحك الجميلة بين حديقة زاهية من روائع الشعر العراقي وشعرائه المبدعيين والمتمييزين
تحية لك على ماتنقلي وعلى اختياراتك الجميلة ,,
لك خالص المودة ,,

اضيف في 08 فبراير, 2008 12:47 م , من قبل alzedyy
من ألمانيا said:

عراقي آني وهويتي من يلمني
ومن انـثر البيــّة مـن يـلمــنــي
احب اهلي واحبابي ومن يلمني
اصير وياه مثل بطنـج وحيــــــّة
,,
تحية طيبة وشكراً لكِ اختي الكريمة لنقل هذهِ
الابيات الجميلة,
,
الشاعر
علي الزيدي



Add a Comment

<<Home